మహాభారత యుద్ధ కాలం :
కాశీ నగరంలో గంగా నది ఒడ్డున కూర్చున్న దేవదత్తుడిని చారుదత్తుడు అడుగుతాడు " సుయోధన మహారాజు కూలిపోయాట్ట. తెలీదా ? " అని. పాండవుల, శ్రీకృష్ణుడి అరాచకాల గురించి చర్చించాక ధర్మానికి, చివరగా మహా ప్రపంచానికే అంత్య కాలం సమీపించిందని నిర్ణయించేసారు ఇద్దరూ .
గౌతమ బుద్ధుడి కాలం :
" ఎవడీ శంకరుడు ? ఎక్కణ్ణించి ఊడిపడ్డాడు ? " అని అడిగాడు ఉపాలి అనే బౌద్ధ భిక్షువు. " మంట పుట్టడం మళయాళ దేశంలో పుట్టింది " అంటూ వివరించాడు ఆనందుడు. " ఇంతకాలం తథాగతుడికి తలలొగ్గిన బ్రాహ్మణాధములు మంత్ర తంత్రాలతో తలెత్తుతున్నారన్నమాట " అన్నాడు ఉపాలి. ఆఖరుగా మనం, మన ధర్మపద్ధతి, మన భిక్షువులు లేనినాడు ప్రపంచం చివరి దశకు వచ్చినట్లేనని తీర్మానించారు.
మొఘలుల కాలం :
తాజ్ మహల్ దగ్గర కూర్చున్న రహిమాన్ తో హుస్సేన్ ఖాన్ అన్నాడు ఔరంగజేబు పాదుషా చనిపోయారని. ఇంకేముంది. రాజ్యం కోసం షాజాదాలందరూ కొట్టుకుచస్తారని, కాఫిర్లింక తమని బతకనీయరని ఆందోళన చెందారు. మొఘలు సామ్రాజ్యానికి ఆఖరు రోజులొస్తే మహా ప్రపంచానికే ఆఖరు రోజులోచ్చాయని లెక్క వేసారు.
1947 ఆగష్టు 17 వ తారీకు :
దేశమంతా స్వాతంత్ర్యోత్సవాన్ని జరుపుకుంటోంది. " చార్లెస్ ! ఈనాడింత కోలాహలం చేస్తున్న జనమంతా కొద్దికాలంలో గోరీల్లోనూ, శ్మశానాల్లోను ఉంటారు. చూసుకో ! " అన్నాడు రిచర్డ్. దేశమంతటా అల్లర్లు చెలరేగాయని, రష్యన్లు, అమెరికన్లు, జర్మన్లు ఒకటేమిటి ప్రపంచమంతా కొట్టుకుచస్తున్నారని ప్రపంచానికే ఆఖరి దశ సమీపించినట్లేనని నిర్ధారించేశారు.
* * * * * *
ప్రపంచం సాగుతూనే ఉంది. ఇన్ని వేల సంవత్సరాలనుంచీ, ఇన్ని యుగాలనుంచీ ......
ఇదీ ' రావిశాస్త్రి ' గారి " ఆఖరి దశ " కథ సారాంశం. మానవ నైజాన్ని ఇంతకంటే స్పష్టంగా వర్ణించడం సాధ్యం కాదేమో ! మనతోటే లోకం ఉందని, మనం లేకపొతే సృష్టి ఆగిపోతుందనే అహం ఎంత అర్థరహితమో ఈ కథ వివరిస్తుంది. ఎవరికోసం కాలం ఆగదు. ప్రపంచం సాగుతూనే ఉంటుంది. కథలో విషయం ఎంత అవసరమో కథనం కూడా అంతే అవసరం. రావిశాస్త్రి గారి రచనలే దీనికి తార్కాణాలు. రావిశాస్త్రి గారి కథల్లోంచి ఏరుకున్న ఆణిముత్యమీ కథ.
Subscribe to:
Post Comments (Atom)
ప్రాచుర్యం
-
1996 జనవరి 18 వ తేదీ ఉదయం సుమారు ఆరున్నర గంటల సమయం. మా స్టూడియో నుంచి కబురు వచ్చింది, ఎన్టీ రామారావు గారు చనిపోయారని. ఒక్కసారిగా హృదయం బరు...
-
తెలుగు తెరకు అతడే కృష్ణుడు తెలుగు ప్రేక్షకులకు అతడే రాముడు తెలుగు ప్రేక్షకుల కంటి దీపం ఆనాడు తెలుగు ప్రజల ఆశాదీపం ఒకనాడు ........ అతడే రా...
-
ప్రముఖ బ్లాగర్ జ్యోతి గారు పంపిన లింకు ఇక్కడ ఇస్తున్నాను. http://jyothivalaboju.blogspot.com/2008/11/blog-post_16.html దానిలో ' గుజ్జనగ...
-
ఆమె నటనలో జీవించింది కానీ జీవితంలో నటించలేదు ఆమె నటన ఎందరికో మార్గదర్శకం కానీ ఆ జీవితం కాదు ఎవ్వరికీ ఆదర్శం తెలుగు చిత్రసీమ గర్వంగ...
-
తెలుగు చిత్ర రంగంలో కొన్ని పాత్రల గురించి ప్రస్తావన వస్తే కొంతమంది నటులు ప్రత్యేకంగా గుర్తుకువస్తారు. భారతంలోని శకుని పాత్ర పేరు చెబితే మొద...
-
పౌర్ణమి నాడు పుట్టినవాళ్ళు కవులవుతారని ఒక వాదన వుంది. ఆది నిజమేనేమో ! ఎందుకంటే 1931 వ సంవత్సరం ఆషాఢ పూర్ణిమ రోజున మనకో కవి లభించా...
6 comments:
బాగుందండి. బలే ఇచ్చారు నేనసలు కధ అనుకోలేదు, చదువుతూ వెళుతున్నా.. చివరాకరికి 'రావిశాస్త్రి గారి కధ' అంటే ఓ అనుకున్నా అప్పుడు. బాగుంది పరిచయం.
భావన గారూ !
మీకీ పరిచయం నచ్చినందుకు కృతజ్ఞతలు.
బాగుందండీ పరిచయం సూక్ష్మంగా. నాక్కడా ఇది కథ అనిపించలేదు. కాఫీ తాగుతూ ఏవో కొన్ని సామ్యాలు ఎత్తి చూపుతున్నట్టుంది. అయినా రావిశాస్త్రిగారి భాషమూలంగా బాగుందనిపిస్తుంది.
మాలతి గారూ !
ధన్యవాదాలు
ఇట్లాంటి వాటిని కథలు అనలేం. కానీ ఆకట్టుకుంటాయి, మనకి అంతకు ముందు తోచని ఏదో సత్యాన్ని ఆవిష్కరిస్తూంటాయి. ఫ్రెంచి రచయిత అనటోల్ ఫ్రాన్స్ గారి కథ ఒకటుంది (నిజంగా కథే!) ప్రొక్యురేటర్ ఆఫ్ జూడియా అని. అది గుర్తొచ్చింది పైన రావుగారు ఉదహరించిన వాక్యాలు చదువుతుంటే.
కొత్తపాళీ గారూ !
ధన్యవాదాలు.
Post a Comment