Thursday, April 26, 2012

అవతార తత్త్వం .........

రామానుజుల విశిష్టాద్వైతం, పరశురామ జన్మ వృత్తాంతం, దేవతలకు కులములను అప్పదించడం వలన అవతారతత్వానికి దూరమవుతున్న విషయం ..... అది శంకరుల వారి ' నిర్వాణ షట్కం' ..... ఇవన్నీ ఈవారం శిరాకదంబం... ఆథ్యాత్మికం లోని ' అవతారతత్వం ' లో.....
ఇంకా ..................... 


 Visit web magazine at www.sirakadambam.com 

Vol. No. 03 Pub. No. 135

Friday, April 20, 2012

అక్షయ తృతీయ ... బంగారం,,,,,, ?

 అక్షయ తృతీయ రోజుకి, బంగారం కొనుగోలుకు సంబంధం వుందా ? అసలు అక్షయ తృతీయ అంటే ఏమిటి ? ఆరోజున తప్పనిసరిగా చేయవలసినదేమిటి ?
అక్షయ తృతీయ రోజునే పరశురామ జయంతి, సింహాచల వరాహ నరసింహ స్వామి చందనోత్సవం జరుగుతాయి. ఆ విశేషాలేమిటి ?
అద్వైత సిద్ధాంతానికి ఆద్యుడు, హిందూ ధర్మాన్ని పరిరక్షించడానికి అవతరించిన ఆది శంకరాచార్య జన్మదినం సందర్భంగా ఆ విశేషాలు..... 
ఇంకా.............. 


 Visit web magazine at www.sirakadambam.com 

Vol. No. 03 Pub. No. 134

Monday, April 16, 2012

ఇద్దరు మహనీయులు

 మనిషి ఎప్పుడూ నిలకడగా ఉండడేమో ! ఎప్పుడూ ఏదో ఒక వివాదం ఉంటేనే గానీ తోచదనుకుంటాను. ఈ కాలంలో అవినీతి, స్వార్థపరత్వం, పరపీడనం లాంటి దురాచారాలు పాటిస్తుంటే, గత కాలంలో మన సమాజం ఆదిశక్తిగా కొలుచుకునే స్త్రీలను అణిచి వెయ్యడానికి అనేక దురాచారాలు పాటించేవారు. అయితే ప్రతీ దురాచారాన్ని ఖండించడానికి, వ్యతిరేకించడానికి, దానికి బలవుతున్న అభాగ్యుల్ని రక్షించడానికి ఎవరో ఒక సంస్కర్త పుడుతూనే వుంటారు.

అలా సుమారు నూట అరవై నాలుగు సంవత్సరాల క్రితమే ( 1848  లో ) జన్మించి ఎన్నో సంఘ సంస్కరణ కార్యక్రమములు చేపట్టి, మరెన్నో దురాచారాలను రూపు మాపడానికి కంకణం కట్టుకుని.... నవయుగ వైతాళికుడు అనిపించుకున్న మహనీయుడు కందుకూరి వీరేశలింగం పంతులు గారు. 

పత్రికలున్నవి ప్రజల బలహీనతలతో ఆడుకోవడానికి, ఆర్థిక ప్రయోజనాన్నో, రాజకీయ ప్రయోజనాన్నో ఆశించి ఎవరో ఒక వ్యక్తికో, ఏదో ఒక వర్గానికో, పార్టీకో కొమ్ము కాయడానికో కాదని,,,, అసలు మీడియా సమాజానికి అవసరం ఏమిటో, బాధ్యత ఏమిటో తెలుసుకోవాలంటే వీరేశలింగం గారి ' వివేక వర్ధని '  పత్రిక గురించి తెలుసుకోవాలి. సమాజాన్ని పట్టి పీడిస్తున్న రుగ్మతలని, మూఢాచారాలని ఖండించడానికి, ప్రజల్ని చైతన్యవంతుల్ని చెయ్యడానికి ఆయన పత్రికను ఆలంబనగా చేసుకున్నారు. పత్రికా విలువలేమిటో తెలుసుకోవాలంటే వీరేశలింగం గారి ' వివేక వర్ధని ' గురించి తెలుసుకోవాలి.

 ఆ నవయుగ వైతాళికుని జన్మదినం సందర్భంగా నివాళులు అర్పిస్తూ......... 

వీరేశలింగం గారి మీద గతంలోని టపాలు........ 

తెలుగు తేజం కందుకూరి

*****************************************************************************

ఒక్కొక్క వ్యక్తి జన్మించి ఆ యుగం తనదనిపించుకుంటాడు. ఆ యుగాన్ని శాసిస్తాడు. ప్రజల మీద, ప్రపంచం మీద తనదైన ముద్ర వేసుకుంటాడు.
కొంతమంది కొన్ని ప్రాంతాలకే పరిమితమవుతారు. దానికి భాష కూడా కొంత కారణమవుతుంది. కానీ కొంతమంది విషయంలో ఇవేవీ అవసరం లేదు. వారికి భాషతో పని లేదు. ఆచార వ్యవహారాలతో పని లేదు. ప్రపంచమంతా వారిదే !  
హాస్యం, నటన అనగానే ప్రపంచంలో అందరూ ఇప్పటికీ, ఎప్పటికీ గుర్తు పెట్టుకునే పేరు చార్లీ చాప్లిన్.
భాష అవసరం లేని మూకీల కాలం నుంచి భాష నేర్చుకున్న టాకీల కాలం దాకా వున్న చాప్లిన్ సినిమాలకు భాషతో సంబంధం లేదు. ఆయన హావ భావాలే ఆయన భాష.
ఆయన చిత్రాలు భాష కారణంగా ప్రపంచంలో ఎవరికైనా అర్థం కాకపోవడం ఉంటుందా ?
ఆయన చిత్రాల్లో వుండేది వినోదమా ! విషాదమా !
వినోదంలోనుంచి విషాదం.... విషాదంలో నుంచి వినోదం పుట్టించగల దిట్ట.
దృశ్య మాధ్యమమైన సినిమాకు మాటల ప్రాధాన్యం అవసరమా ?
ఆయన కళ్ళు మాట్లాడతాయి. ఆయన నడక మాట్లాడుతుంది. ఆయన నటన మాట్లాడుతుంది. కానీ ఆయన మాట్లాడడు.
కేవలం మూకీ సినిమాల్లోనే కాదు. సాంకేతికాభివృద్ధి జరిగి టాకీ లొచ్చినా ఆయన సినిమాలు చాలాకాలం మాట్లాడలేదు. తర్వాత మాట్లాడినా అవసరమైన చోట్ల, అవసరమైనంత వరకే !
సాంకేతికాభివృద్ధి వెర్రి తలలు వేస్తున్న ఈరోజుల్లో ఇది చాదస్తంగా అనిపించవచ్చు కానీ, ఎవరైనా చాప్లిన్ శైలిని అర్థం చేసుకుని కొద్దిగానైనా అనుసరించడానికి ప్రయత్నిస్తే ఆ మాధ్యమానికి, ప్రజలకి న్యాయం జరుగుతుంది.

  ఆ విశ్వనటచక్రవర్తి జన్మదినం సందర్భంగా నివాళులు అర్పిస్తూ...........    

చార్లీ చాప్లిన్ పైన గతంలోని టపాలు...........  

విషాదంలోనూ వినోదమే !
నవ్వుల విషాదం
నవ్వుల గని 

Visit web magazine at www.sirakadambam.com 

Vol. No. 03 Pub. No. 133

Friday, April 13, 2012

' కళ్యాణ వైభోగమే.... ! ' ( పెండ్లి పాటలు ).........

 తెలుగు వారికే  స్వంతమైన సంప్రదాయాలు కొన్ని ఉన్నాయి. వాటిలో పెళ్ళిళ్ళల్లో పాడే పాటలు ముఖ్యమైనవి. మన పెళ్లి తంతులో అనేక దశలున్నాయి. అవన్నీ భావి జీవితానికి దిక్సూచి లాంటివని చెప్పవచ్చు. ఆచరించవలసిన ధర్మాలు, బాధ్యతలు మొదలైన వాటినన్నిటినీ సమగ్రంగా వివరిస్తాయి. ఆయా సందర్భాలకు తగినట్లు సంస్కృతంలో మంత్రాలున్నట్లే వాటి అర్థాలను నింపుకున్న తేట తెలుగు పాటలు పెళ్ళిళ్ళలో ఒక ప్రత్యేకతగా ఉండేవి. అలాంటి కొన్ని ముఖ్యమైన పాటల్ని ఇప్పటి తరానికి పరిచయం చెయ్యడానికే ......
అయ్యగారి జయలక్ష్మి గారు అందించిన ' కళ్యాణ వైభోగమే.... ! ( పెండ్లి పాటలు )
ఇంకా............  




Visit web magazine at www.sirakadambam.com 
 

Vol. No. 03 Pub. No. 132

Tuesday, April 10, 2012

భర్త...భర్తే !

 ఆల్బర్ట్ ఐన్ స్టీన్ .....
ప్రపంచంలో ఈ పేరు తెలియని వారు చాలా తక్కువ. ముఖ్యంగా సైన్సు తో కొద్దిపాటి పరిచయమున్న ప్రతీవారికి తెలిసిన పేరు. సాపేక్ష సిద్ధాంతాన్ని కనుగొని విజ్ఞాన శాస్త్రంలో శాశ్వత స్థానాన్ని సంపాదించుకున్న మహానుభావుడు.

ఎంత గొప్పవాడైనా ఒక స్త్రీకి భర్తే ! ఎంత అభివృద్ధి చెందినా పురుషాధిక్యత విషయంలో, స్త్రీ వివక్షత విషయంలో ప్రపంచ దేశాలన్నీ ఒకటే అనిపిస్తుంది.

ఎంతటి గొప్ప శాస్త్రజ్ఞుడిగా పేరు తెచ్చుకున్నా ఐన్ స్టీన్ కూడా సగటు భర్తే అని ఆయన మరణించిన చాలాకాలానికి దొరికిన ఆయన ఉత్తరాలు నిరూపించాయి. అందులో ఆయన తన భార్యకు విధించిన కొన్ని షరతులు కలిగిన ఉత్తరం కూడా వుంది.

ఆ షరతులు ఏమిటంటే  ..........

* సరిగా సమయానికి వంట చేసి భోజనం పెట్టాలి
* తన బట్టలన్నీ శుభ్రంగా ఉతికి, ఇస్త్రీ చేసి ఉంచాలి.
* రెండుపూటలా పడకగది, తన ఆఫీసు గది ఊడ్చి శుభ్రం చెయ్యాలి.   
* తన టేబుల్, దాని మీదున్న పుస్తకాలు, కాగితాలు ఎత్తి పరిస్తితుల్లో ముట్టుకోకూడదు.
* తను బయిటకు రమ్మన్నప్పుడే రావాలి గానీ తీసుకెళ్ళమని అడగకూడదు.
*  పిలిచినపుడు వెంటనే రావాలి. పడకగదిలోకి అయినా సరే !
* ఇతరుల ఎదుట, ముఖ్యంగా పిల్లల ఎదుట తన మాటకు ఎదురు చెప్పకు.

ఇప్పుడు ఒప్పుకుంటారా ? ఎంత గొప్పవాడైనా భర్త.... భర్తే.... అని. 


Visit web magazine at www.sirakadambam.com 

Vol. No. 03 Pub. No. 131

Thursday, April 5, 2012

వైవిధ్య భరితం ఈ వారం కదంబం.....

* మహావీర్ జయంతి విశేషాలు, చైత్ర పౌర్ణమి విశిష్టత.... ఆథ్యాత్మికం లో,
* త్వరలో తనికెళ్ళ భరణి గారి నిర్దేశకత్వంలో చలనచిత్రంగా మనముందుకు రాబోతున్న శ్రీరమణ గారి '
మిథునం ' కథా పరిచయం సాహిత్యం లో,
* రేడియోలో మనం వినే లలిత గీతాలు ఎలా పుడతాయో శ్రీ ఎస్. బి, శ్రీరామమూర్తి గారు వివరణని అందిస్తున్నారు అయ్యగారి జయలక్ష్మి గారు... ' ఒక పాట పుట్టింది ' అంటూ సాంస్కృతికం లో......
* మునిమాణిక్యం గారితో  శ్రీ శాస్త్రి గారి ' జనాంతికం ' జ్ఞాపకాలకదంబం లో   
ఇంకా .................... 


 














Visit web magazine at www.sirakadambam.com 

Vol. No. 03 Pub. No. 130

Sunday, April 1, 2012

జగదభిరాముడు శ్రీరాముడే !

 శ్రీరాముడు పరిపూర్ణ మానవ అవతారం. 
మానవుడు ఎలా ప్రవర్తించాలో, ఎంత బాధ్యతగా ఉండాలో తెలిపే రూపం.

నీతి నిజాయితీలు, సత్ప్రవర్తన, ప్రజా సంక్షేమం, పితృవాక్పరిపాలన, ఋజువర్తన, కర్తవ్య పరాయణత్వం,... ఇలాంటి ఎన్నో మానవ ధర్మాలను ఎన్ని కష్టాలోచ్చినా ఆచరించాలని లోకానికి తెలియజేసిన ఆదర్శ మానవుడు.

సీతారాముల దాంపత్యం అన్ని జంటలకూ ఆదర్శప్రాయం. ఎన్ని కష్టాలోచ్చినా ఒకరి కోసం ఒకరుగా, ఒకరి మాట మరొకరు గౌరవిస్తూ జీవించిన జంట వారు.

రామలక్ష్మణులు సోదర బంధానికే అలంకారం. కష్టాలలోను, సుఖాలలోను వెన్నంటి ఉండే లక్ష్మణుడు సోదరుని పట్ల ఆత్మీయతతో బాటు భక్తి భావం కలిగి వుండాలని తెలుపుతాడు.

భక్తిభావం అంటే ఏమిటో, భక్తుల పట్ల భగవంతుని కృప ఎలా వుంటుందో రుచి చూపిస్తారు శ్రీరాముడు, ఆంజనేయుడు. 

ఇలా ఏ రకంగా చూసినా ఆదర్శ వ్యక్తిత్వం, ఆత్మీయ సంబంధాలు, మానవత్వ విలువలు, ప్రజారంజక పాలన వంటి ఎన్నిటినో ఈ లోకానికి తెలియజేసిన ఇతిహాసం ' రామాయణం '.

అందుకే సీతారాములు, రామలక్ష్మణులు, శ్రీరామాంజనేయులు చరిత్రలో చిరస్థాయిగా నిలిచి పోయారు. ప్రతీ భారతీయుడి హృదయంలో రామాయణం శాశ్వత స్థానం పొందింది.  

ధర్మం దారి తప్పి, అధర్మం రాజ్యమేలుతున్న ఈ రోజుల్లో...
నీతిని పాతరేసి అవినీతే అందలమెక్కుతున్న ఈ రోజుల్లో...
మానవత్వ విలువలు మంట కలిసి దానవత్వం పెచ్చరిల్లుతున్న ఈ రోజుల్లో .....
ప్రజా పాలన అంటే అర్థం మారిపోయిన ఈ రోజుల్లో..... 
రామాయణాన్ని గురించి... అందులోని విలువల గురించి సమస్త మానవాళికి తెలియజెప్పాల్సిన అవసరం, బాధ్యతా.... ఆ అద్భుత ఇతిహాసం కలిగి వున్న మన భారతజాతికి వున్నది.  




Visit web magazine at www.sirakadambam.com

Vol. No. 03 Pub. No. 129
Related Posts Plugin for WordPress, Blogger...

ప్రాచుర్యం