వసుధైక కుటుంబం

  కుటుంబం... ఉమ్మడి కుటుంబం.
చల్లని హృదయాలకు చక్కని ప్రతిబింబం

మనసులన్ని పెనవేసి తలపులన్ని తలపోసి
మమతలు పండించేది మంచితనం పెంచేది

.....కుటుంబం... ఉమ్మడికుటుంబం

ఎవరికి వారైపోతే నవ్వులపాలవుతారు

కలసిమెలసి ఉంటేనే విలువ పెంచుకుంటారు
..... కుటుంబం... ఉమ్మడికుటుంబం

చెప్పుడు మాటలు వింటే ఎప్పటికీ చేటు
అడ్డుగోడలే వుంటే ఆ ఇంటికి చేటు
మిడిమేలపు బుద్ధులతో పెడదారిన పడతారు
కంటిముందు స్వర్గాన్నే కాలదన్నుకుంటారు

..... కుటుంబం... ఉమ్మడికుటుంబం
చెదిరిన హృదయాలకు చెరగని ప్రతిబింబం
కుటుంబం.... ఉమ్మడి కుటుంబం

భారతీయతకు ప్రతిరూపమైన వ్యవస్థ కుటుంబం 

సంఘం యొక్క ప్రాధమిక స్వరూపం కుటుంబం 

తరాల మధ్య సంస్కృతీ సంప్రదాయాల వారధి కుటుంబం
 

మనిషికి బుడి బుడి అడుగులు నేర్పేది కుటుంబం

మనిషికి తమదైన భాష నేర్పేది కుటుంబం

మనిషికి ప్రాథమిక పాఠశాల కుటుంబం  

సమాజ నిర్మాణంలో ప్రధానమైనది కుటుంబం 

అనుబంధాలకు, ఆత్మీయతకు నిలయం కుటుంబం

ఒకరిపట్ల మరొకరికి ఉండే బాధ్యత తెలిపేది కుటుంబం 

ఒకప్పుడు మనది ఉమ్మడి కుటుంబం 

కలతలు, కష్టాలు పంచుకునే కుటుంబం 

ఆనందాలు, సంతోషాలు కలబోసుకునే కుటుంబం 

ఒకరికి మరొకరు చేదోడు వాదోడుగా ఉండే కుటుంబం 

పండుగలు, పబ్బాలు కలసి చేసుకునే కుటుంబం 

మరి ఇప్పుడు పరిమితమైన చిన్న కుటుంబం 

కష్టాలు పంచుకునే వారు కరువైన కుటుంబం 

సంతోషాలు కలబోసుకునే వారు కనబడని కుటుంబం 

యాంత్రిక జీవనంలో ఒంటరిగా నలుగుతున్న కుటుంబం 

సినిమాలకు, రెస్టారెంట్లకు పరిమితమైన పండుగల కుటుంబం  

ప్రపంచం యావత్తు గుర్తిస్తున్న వ్యవస్థ కుటుంబం 

భారతదేశంలో విచ్చిన్నమవుతున్న వ్యవస్థ కుటుంబం 

ప్రపంచమంతా అవుతోంది ఒకే కుటుంబం 

మళ్ళీ కావాలి ప్రపంచానికాదర్శం మన కుటుంబం 

అప్పుడే మనదైన కుటుంబం.... వసుధైక కుటుంబం 

 అంతర్జాతీయ కుటుంబ దినోత్సవం సందర్భంగా మిత్రులందరికీ శుభాకాంక్షలు 

 


 

Vol. No. 02 Pub. No. 233