మహాత్ముడి స్మరణ

మహాత్మా గాంధీ మరణించి 62 సంవత్సరాలు పూర్తి అయింది. ఆయన ఆశలు, ఆశయాలు భారత జాతి ఉన్నతికి ఆయన చేసిన పోరాటం, దానికి ఆయన చూపిన మార్గం ఇవన్నీ ప్రపంచ వ్యాప్తంగా అనుసరించే పరిస్థితి నేడు పూర్తిగా నెలకొంది. దానికి తార్కాణమే మొన్ననే అమెరికా లోని ఒక జిల్లా పేరును ' గాంధీ జిల్లా ' గా మార్చడం.

ఒకప్పుడు గాంధీని అనుసరించడమే గొప్ప విషయం
మరిప్పుడు గాంధీయిజాన్ని విమర్శించడమే ప్రయోజకత్వం

గాంధిజీ ప్రభోదించిన సత్యం, అహింస, సర్వమానవ సమానత్వం ఇవన్నీ ఎవరైనా ఇప్పుడు మాట్లాడితే చేతకాని వారుగా జమగడుతున్నారు. కానీ ఆ నినాదాలే, ఆ మార్గాలే, ఆ అస్త్రాలే మన జాతిని పట్టి పీడించిన పరాయి పాలన నుంచి విముక్తి చేసాయి. వాటిలో ఉన్న శక్తికే ఈనాటికీ ప్రపంచం జోహార్లు పలుకుతోంది. భారతదేశం పేరు చెబితే ప్రపంచం మొత్తంలో వెంటనే గుర్తించే వ్యక్తి... కాదు శక్తి గాంధీజీ !

మరి మన దేశంలో ఆయన వారసులుగా మనమేం చేస్తున్నాం ! ఆయన ఆశయాలను, ఆయన పాటించిన సత్యాహింస మార్గాలను వదిలేసి ఆయన వ్యక్తిగత జీవితంలో తప్పులేం ఉన్నాయా అని రంద్రాన్వేషణ చేస్తూ కాలక్షేపం చేస్తున్నాం ! కనీసం అమెరికా వాళ్ళు వప్పుకున్నాక నైనా మనం గాంధీ మార్గం అంటే ఏమిటీ అని తెలుసుకోవడానికి ప్రయత్నం చేస్తే మన గౌరవం దక్కుతుంది. లేదా రేపు ప్రపంచం మొత్తం మనల్ని చూసి నవ్వే రోజు వస్తుంది.

బాపు వర్థంతి సందర్భంగా ఆ మహాత్మునికి మరోసారి శ్రద్ధాంజలి ఘటిస్తూ...........................





Vol. No. 01 Pub. No. 174