Wednesday, May 11, 2011

ది గ్రేట్ ట్రైన్ రాబరీ

ఒక రైల్వే స్టేషన్లో స్టేషన్ మాస్టర్ ని రైలుకి సిగ్నల్ ఇవ్వకుండా బెదిరిస్తారు కొంతమంది దొంగలు.
వాటర్ ట్యాంక్ దగ్గర నక్కిన దొంగలు ఆగిన రైలు ఎక్కి మెసంజర్ మీద దాడి చేసి అతన్ని చంపి అతని దగ్గర వున్నా డబ్బు దోచుకుంటారు.
డ్రైవర్ మీద దాడిచేసి ఓ నిర్జన ప్రదేశంలో రైలు ఆపుతారు.
బోగీలనుంచి ఇంజన్ వేరు చేసి ప్రయాణికులను క్రిందకు దింపి వారిని దోచుకుంటారు.
ఇంజన్ లో ఎక్కి పారిపోతారు.
కొంతదూరంలో వున్న కొండల దగ్గర ఆపి దిగి గుర్రాలపై పారిపోతారు.
స్పృహ తప్పిన స్టేషన్ మాస్టర్ ని అతని కుమార్తె రక్షించి కట్లు విప్పుతుంది.
ఆటను అక్కడికి దగ్గరగా వున్న డాన్సు హాల్ కి వెళ్లి వారితో జరిగింది చెబుతారు. అందరూ ఆయుధాలు తీసుకుని దొంగల్ని వెదకడానికి బయిల్దేరుతారు.
దొంగలతో భీకర పోరాటం జరుగుతుంది.
చనిపోగా మిగిలిన దొంగలు డబ్బు లెక్కపెట్టేపనిలో వుండగా కొంతమంది వారిని చుట్టుముట్టి చంపేస్తారు.

ఇది 1903 లో విడుదలైన ' ది గ్రేట్ ట్రైన్ రాబరీ ' అనే మూకీ చిత్రం కథ. నిజానికి అప్పటివరకూ నిర్మించిన మూకీ చిత్రాలన్నీ కొన్ని దృశ్యాల మాలికలే. వాటిలో ప్రత్యేకంగా కథ అనేది ఉండేది కాదు.  అలాగే అప్పటివరకూ ఎడిటింగ్ అంటే ఆ దృశ్యాల కలయిక మాత్రమే ! ఈ చిత్రంతో తొలిసారిగా ఒక కథాక్రమం ప్రారంభమైంది. అలాగే అప్పటివరకూ తెలియని కొన్ని సాంకేతికాంశాలు ఈ చిత్రంతోనే ప్రారంభమయ్యాయి. క్రాస్ ఎడిటింగ్, డబుల్ ఎక్ష్పొజర్  , కెమెరాను సన్నివేశానికి అనుగుణంగా కదిలించడం, బయిట లొకేషన్లలో షూటింగ్ చెయ్యడం లాంటివి తొలిసారిగా వాడిన చిత్రమది. ఈ కొత్తదనాన్ని అప్పటి అమెరికా ప్రేక్షకులు బాగానే ఆదరించారు. చాలాకాలం కిక్కిరిసిన ప్రేక్షకులతో నడిచింది. మూకీ సినిమా అయినా, ఏ శబ్దాలు వినబడకపోయినా పిస్టల్ పేలినప్పుడల్లా ప్రేక్షకులు భయంతో చెవులు మూసుకునేవారట. కథా చిత్రాలకు నాంది పలికిన ఈ చిత్ర ప్రదర్శనా కాలం కేవలం 11 నిముషాల 43 సెకండ్లు .ఆ చిత్రం మీ కోసం...........






Vol. No. 02 Pub. No. 232

3 comments:

రాజేంద్ర కుమార్ దేవరపల్లి said...

Thank You

'Sudhama' Allamraju Venkatarao said...

Mee siraa kadambam raasi lonoo,vaasilonoo chaalaa baaguntondi.Congrats Rao garu!

SRRao said...

* రాజేంద్రకుమార్ గారూ !
* సుధామ గారూ !

చాలా చాలా ధన్యవాదాలు.

' శిరాకదంబం ' టూల్ బార్ ని ఇక్కడినుంచి దించుకోవచ్చు... ప్రయత్నించండి.

Related Posts Plugin for WordPress, Blogger...

ప్రాచుర్యం