Saturday, March 27, 2010

రంగస్థలం


నటరాజు నాట్యం చేసే స్థలం రంగస్థలం.
నటనను సజీవంగా చూడగలిగే స్థలం రంగస్థలం.

అటువంటి రంగస్థలం పరిస్థితి ప్రస్తుతం క్షీణదశలో వుందనే చెప్పవచ్చు. సాంకేతికాభివృద్ధి క్రమంలో రంగస్థలాన్ని సినిమా కొంతవరకూ మింగేస్తే, టెలివిజన్ దాదాపుగా కనుమరుగు చేసేసింది. ఒకప్పుడు రంగస్థల కళాకారులకు పునరావాసంగా చలనచిత్ర రంగం వుంటే నేడు టెలివిజన్ రంగం పునరావాసం కల్పిస్తోంది. కానీ రంగస్థలం పాటించిన సామాజిక విలువలకు టెలివిజన్ కార్యక్రమాలు దూరంగా వున్నాయనే చెప్పవచ్చు. గతంలో దూరదర్శన్ నాటకాల్ని, ఇతర రంగస్థల కళల్నీ ప్రసారం చేసేది. ప్రస్తుతం ప్రైవేట్ ఛానల్స్ ద్వారా ఎదుర్కొంటున్న వ్యాపారాత్మక పోటీ కారణంగా అది కూడా గత వైభవంగా మిగిలిపోయింది.

కొంతకాలం క్రితం వరకూ అక్కడక్కడా నిర్వహించే పరిషత్తులు నాటక రంగాన్ని కొంతవరకూ నిలబెట్టాయనే చెప్పవచ్చు. కానీ ప్రస్తుతం ఆ పరిషత్తులు కూడా కనుమరుగయిపోతున్నాయి. ప్రభుత్వ నిర్వహణలో జరిగే నంది నాటకోత్సవాలు నాటక రంగ పతనానికి నాంది పలుకుతున్నాయి. ఆదరణ కరువైపోతున్న రంగస్థలాన్ని కాపాడుకునే దిశగా కళాకారులు, కళాభిమానులూ, ప్రభుత్వం నడుం బిగిస్తే రంగస్థలానికి పూర్వ వైభవం తీసుకు రావచ్చేమో !

నేడు ( మార్చి 27 ) ప్రపంచ రంగస్థల దినోత్సవం . 1961 లో అంతర్జాతీయ రంగస్థల శిక్షణా సంస్థ మొదటిసారిగా ఈ అంతర్జాతీయ రంగస్థల దినోత్సవాన్ని ప్రకటించింది. అప్పట్నుంచీ ప్రతి సంవత్సరం ఆ సంస్థతో బాటు అంతర్జాతీయ రంగస్థల సమాజమంతా ఈ ఉత్సవాన్ని జరుపుకుంటోంది. ఆరోజు అంతర్జాతీయంగా అనేక కార్యక్రమాలు నిర్వహిస్తుంటారు. ఆ సందర్భంగా రంగస్థలం నుంచి గానీ, మరే ఇతర రంగాలనుంచి గానీ ప్రముఖులైన వ్యక్తులతో రంగస్థలంపై వారి అభిప్రయాలను ఒక ప్రత్యేక సందేశం ద్వారా ప్రపంచానికి అందిస్తారు. ఈ సంవత్సరానికి ప్రముఖ ఆంగ్ల చిత్ర, రంగస్థల, టీవీ నటి డామ్ జూడి డెంచ్ ఆ సందేశం ఇచ్చారు. ఆ సందేశాన్ని ఇక్కడ చూడవచ్చు. 2002 లో మన భారతీయ నటుడు, ప్రయోక్త గిరీష్ కర్నాడ్ తన సందేశాన్నిచ్చారు.

రంగస్థల దినోత్సవ సందర్భంగా కళాకారులకు, కళాభిమానులకు శుభాకాంక్షలతో.....

గతంలో తెలుగు నాటక రంగ నటరత్నాలను పరిచయం చేస్తూ అందించిన ' తెర తీయగ రాదా ! ' చూడండి.


Vol. No. 01 Pub. No. 237

2 comments:

madhuri said...

You are right...there are many reasons for the plight of the Indian theatre, one of the prominent ones being westernisation and modern education. One way the Theatre in English is going strong and is a big hit with Indian youth, for the same reason. Marathi Theatre has remained evergreen. I donot know the reason, though.

SRRao said...

మాధురి గారూ !
ఇదే మొదటిసారనుకుంటాను, నా బ్లాగులో మీ వ్యాఖ్య రాయటం. అందుకే మీకు హార్థిక స్వాగతం. మనదేశంలోనే కాక ఇతర దేశాలలో కూడా నాటకరంగం సజీవంగా వుంది, ఒక్క తెలుగులో తప్ప. దానికి ప్రధాన కారణం ప్రజాదరణ కరువవడం అని నేననుకుంటున్నాను. మీ వ్యాఖ్యకు ధన్యవాదాలు.

' శిరాకదంబం ' టూల్ బార్ ని ఇక్కడినుంచి దించుకోవచ్చు... ప్రయత్నించండి.

Related Posts Plugin for WordPress, Blogger...

ప్రాచుర్యం