ఎక్కడ కూర్చుంటేనేం.....?

 తాడేపల్లిగూడెం పట్టణంలో స్వర్గీయ రేలంగి గారికి ఓ సినిమా హాల్ వుంది. ఓసారి ఆట ప్రారంభించేముందు అయన హాలు బయిట కుర్చీలో కూర్చున్నారు. ఇంతలో ఓ పల్లెటూరి ఆసామి ఆయన దగ్గరకు వచ్చి.......

" బాబయ్యా ! సినేమాకి టికెట్టు ఎంత ? " అని అడిగాడు.

దానికి రేలంగి గారు " బాల్కనీ రెండు రూపాయిలు... కుర్చీ రూపాయి.... బెంచీ అర్థ రూపాయి... నేల పావలా.... పాటల పుస్తకం పదిపైసలు...." అని దండకం చదివారు.

వెంటనే ఆ అమాయకుడు " అలాగా బాబూ ! ఎక్కడ కూకోని చూసినా అదే సినెమా కదా ! అందుకని పాతాళ పుస్తకం ఓటి ఇవ్వండి బాబూ ! దానిమీద కూకోని చూసేస్తా ! " అన్నాడు సీరియస్ గా.

ఎప్పుడూ అందర్నీ నవ్వించే రేలంగిగారికి తానే నవ్వక తప్పలేదు. 

Vol. No. 02 Pub. No. 126