మరణించాను కనుక తొలగించండి

 ఆంగ్లంలో ప్రముఖ రచయిత రుడ్యార్డ్ కిప్లింగ్ కు ఓసారి ఓ వింత అనుభవం ఎదురైంది. ఒక ప్రముఖ దినపత్రికలో ఓ రోజు పతాక శీర్షికలో కిప్లింగ్ మరణించినట్లు వార్త వచ్చింది. ఉదయాన్నే ఆ వార్త చదివిన కిప్లింగ్ కి మతిపోయినట్లయింది. సహజంగానే సంతాప సందేశాలు మొదలయ్యాయి. కాసేపటికి తేరుకున్న కిప్లింగ్ ఆరా తీస్తే తన పేరుగల మరో వ్యక్తి చనిపోయాడని, ఆ పత్రిక వారు పొరబడి రచయిత కిప్లింగ్ అనుకుని ఆ వార్తను అలా ప్రచురించారని అర్థమయింది.

కిప్లింగ్ వెంటనే ఆ పత్రిక సంపాదకుడికి ఇలా ఓ ఉత్తరం రాసాడు...........

" మీ పత్రికలో వార్తలు ప్రచురించేముందు వాటి వాస్తవికతను నిర్థారించుకునే ప్రచురిస్తారని అనుకుంటాను. అందుకని నా మరణవార్త కూడా నిజమే అయి వుండాలి. కనుక మీ పత్రిక చందాదారుల పట్టిక నుండి నా పేరు తొలగించాల్సిందిగా కోరుకుంటున్నాను "

Vol. No. 02 Pub. No. 110