విజయా సంస్థ అధినేత బి. నాగిరెడ్డి గారు. తెలుగు ప్రేక్షకుల నాడి తెలిసిన నిర్మాత. అనుభవంతో ఆయన చెప్పిన మాటలు ఎలా నిజమయ్యాయో చూడండి.సూపర్ స్టార్ కృష్ణ ఎంతో వ్యయ ప్రయాసలతో సాహసోపేతంగా నిర్మించిన తొలి తెలుగు సినిమా స్కోప్ చిత్రం ' అల్లూరి సీతారామరాజు '. అది కృష్ణ కి నూరవ చిత్రం కూడా !
ఆ చిత్రం ప్రివ్యు చూసిన నాగిరెడ్డి గారు కృష్ణ ను అభినందించారు. సూపర్ హిట్ అవుతుందని జోస్యం చెప్పారు. కానీ ఒక ప్రశ్న వేశారు, " ప్రస్తుతం
ఎన్ని చిత్రాల్లో నటిస్తున్నావు ? " అని. కృష్ణ చెప్పారు. " అయితే వాళ్ళందరు మట్టికొట్టుకు పోతారు " అన్నారు నాగిరెడ్డి గారు. కృష్ణ గారికి అర్థం కాలేదు. ఆయన అలా అయోమయంలో ఉండగానే నాగిరెడ్డి గారు " సీతారామ రాజుగా బాగా చేసావు. నీ చిత్రం సూపర్ హిట్ అవుతుంది. అందులో సందేహం లేదు. దాంతో చాలా కాలం పాటు తెలుగు ప్రేక్షకులకి అల్లూరి సీతారామ రాజు గానే గుర్తుండి పోతావు. వాళ్లు ఆ ఇమేజ్ నుంచి త్వరగా బయిట పడరు. కనుక నీ తర్వాత చిత్రాలన్నీ ఫ్లాప్ అవక తప్పదు " అన్నారు. ఆయన చెప్పినట్లుగానే ' అల్లూరి సీతారామ రాజు ' చిత్రం తర్వాత కృష్ణ నటించిన 14 చిత్రాలు ఫ్లాప్ అయ్యాయి.Vol. No. 01 Pub. No. 130
3 comments:
అందుకే ఆయన అంత గొప్ప సంస్థ స్తాపించగలిగేరు.
భావన గారూ !
ధన్యవాదాలు
hai friends
nenu na friends kalisi 5 minits short film prayatnam chesam.
ee link lo choosi me comments teliyajeyandi.
http://okkaavakasam.blogspot.com/2009/12/original-video-more-videos-at-tinypic.html
Post a Comment