Friday, May 7, 2010

మనసు కవి జ్ఞాపకాలు

జీవితంలో వచ్చే చిక్కులు మెదడుకు బలం కలిగించే టానిక్కులు
కీర్తిని తాకట్టు పెట్టుకునే మార్వాడీ వుంటే బాగుండును
బాగా బ్రతకడం ఎవరైనా బ్రతకొచ్చు. కానీ బాగా చావడం అదృష్టం.
- ఆచార్య ఆత్రేయ

 ఆయన అదృష్ట సంఖ్య - 7
ఆయన కొంతకాలం నివసించిన ఇంటి నెంబర్ - 124
ఆయన వాడిన కార్ నెంబర్ - 1510
ఆయన మాతృసంస్థలాంటి అన్నపూర్ణ ఆఫీసు ఇంటి నెంబర్ - 34
ఆయన పుట్టిన రోజు 7 వ తారీఖు

 1921 వ సంవత్సరం మే 7 వ తేదీన పుట్టిన కిళాంబి వెంకట నరసింహాచార్యులు.
ఆయనే మన కవి, మనసు కవి ఆచార్య ఆత్రేయ

 


" నవ్వినా, ఏడ్చినా కన్నీళ్ళే వస్తాయి
ఏ కన్నీటెనకాల ఏముందో తెలుసునా !


ఇదొక్కటే పది కావ్యాల పెట్టు. కాళిదాసు వింటే  కౌగలించుకునేవాడు "
ఈ మాటలన్నది ఆత్రేయ నాటకోత్సవాల్లో ఆయన పాటల విశిష్టత గురించి వివరిస్తూ మరో సుప్రసిద్ధ కవి డా. సి. నారాయణ రెడ్డి.

వినయశీలత : మహాకవి శ్రీశ్రీ కంటే ఆత్రేయ వయసులో పదేళ్ళు చిన్న. దానికాయన " కాదు. యాభైయేళ్ళు చిన్నవాణ్ణి. శ్రీశ్రీకి, నాకు ప్రతిభలో ఎన్నో అంతరువులు తేడా వున్నది " అంటారు.

దార్శనికత ఆత్రేయగారు " ఈనాడు " నాటకాన్ని మహాత్మాగాంధీ హత్యకు చాలా రోజుల ముందే రచించారు. అ నాటకంలోని సన్నివేశంలో ఒక మతోన్మాది విసిరిన కత్తి దెబ్బకు గాంధీజీ పటం పగిలి నేలమీద పడుతుంది.  

ఆత్రేయగారి రచనలకు ప్రేరణ : నాకేదో తెలుసుననే అజ్ఞానం. ఆది ఇతరులకు చెప్పాలనే ఆరాటం.

ఆత్రేయగారి దృష్టిలో సంతృప్తి : ఏ కళాకారుడికీ ఎందులోనూ సంతృప్తి అనేది కలుగకూడదు. కలిగితే ఆగిపోతాడు.

ఆత్రేయగారు తన భాష గురించి : బరువైన భావాన్ని తేలికైన పదాల్లో పొదగడానికి కారణం - అంతకంటే భాష రాదు కనుక.

ఆత్రేయ చమత్కారాలు :
* నేను కొన్ని మంచి సినీ గేయాలు రాశాను. కొన్ని మనీ గేయాలు రాశాను.
* నిర్మాత గురించి " వాళ్ళ సినిమా పూర్తయిందట.  అమ్మ  లేదట. అందుకే వాళ్ళను నిర్  మాత  అన్నారు.
* మీరు పాటలెలా రాస్తారని అడిగితే ఆత్రేయ గారి సమాధానం " నేనసలు పాటలుగానీ, మాటలుగానీ రాయను..................
రాయిస్తాను " అన్నారు. ఆయనకు డిక్టేట్ చెయ్యడం అలవాటు.
* ఒకసారి చక్రవర్తి గారి సంగీత దర్శకత్వంలో ఆత్రేయ గారు రాస్తున్న పాటకు పల్లవి పూర్తయింది.
" అను పల్లవి చెప్పండి " అన్నారు చక్రవర్తి
    " ముందు నువ్వు పల్లవి ' అను ' - నేను అనుపల్లవి అంటాను " అన్నారు ఆత్రేయ
    అదికూడా పూర్తయింది. " ఇక చరణాలు " అన్నారు చక్రవర్తి
    " అదే ! ఎవరి చరణాలు పట్టుకోవాలా అని ఆలోచిస్తున్నాను " అన్నారట ఆత్రేయ.

    ....... ఇవీ ఆత్రేయగారి గురించిన కొన్ని కమ్మని జ్ఞాపకాలు .

    ఆచార్య ఆత్రేయ మనసు పెట్టి రాసిన ' మనసు ' పాటల తునకలు -



    ఆత్రేయగారి మరికొన్ని మచ్చుతునకలు -





    తెలుగు చలన చిత్ర రంగంలో ఒక మైలు రాయి ఆచార్య ఆత్రేయ. ఆయన 79 వ జన్మదిన సందర్భంగా స్మృత్యంజలి.

    Vol. No. 01 Pub. No. 283

    7 comments:

    భాస్కర రామిరెడ్డి said...

    చాలా మంచి పరిచయాన్ని అందిచారు. చమత్కారాలు అదిరాయండి :)

    Vinay Datta said...

    Iam impressed by the way you keep your posts. They are short, sweet and simple.

    SRRao said...

    * భా.రా.రె. గారూ !
    * మాధురి గారూ !

    ధన్యవాదాలు

    తృష్ణ said...

    very nice sir..!

    SRRao said...

    * తృష్ణ గారూ !
    ధన్యవాదాలు

    Nrahamthulla said...

    https://www.facebook.com/photo.php?fbid=466176143414381&set=a.233025936729404.60739.100000659993594&type=1&theater

    SRRao said...

    ధన్యవాదాలు రహమతుల్లా గారూ !

    Related Posts Plugin for WordPress, Blogger...

    ప్రాచుర్యం