భర్తృహరి సుభాషితాలు 01

పద్మాకరం దినకరో వికచం కరోతి

 చంద్రో వికాసయతి కైరవచక్రవాలం,

నాభ్యర్ధితో జలధరోపి జలం దదాతి,

సంత: స్వయం పరహితే విహితాభియోగా:

ద్యుమణి పద్మాకరము విక చముగ చేయు

కుముదహర్షంబు గావించు నమృతసూతి,

యర్ధితుడు గాక జలమిచ్చు నంబుధరుడు;

సజ్జనులు కారె పరహితా చరణమతులు.

తామరకొలను అడుగకముందే సూర్యుడు తామరకొలనును వికసింపజేయుచున్నాడు.

తెల్లకలువల సముదాయమును చంద్రుడు తానే విరియించుచున్నాడు.

ఎవరిచేతనూ యాచింపబడకనే మేఘుడు నీటిని ఇచ్చుచున్నాడు. అదే విధముగా సత్పురుషులెప్పుడూ ఇతరులకు హితము కూర్చుటకే ఇష్టపడుట లోక సహజము.

********************************************

ఏతే సత్పురుషా: పరార్ధఘటకా స్స్వార్ధాన్ పరిత్యజ్య యే

సామాన్యాస్తు పరార్ధ ముద్యమభృత: స్వార్ధావిరోధేన యే,

తేZమీ మానుషరాక్షసా: పరహితం స్వార్ధాయ నిఘ్నంతి యే

 యే తు ఘ్నంతి నిరర్ధకం పరహితం తే కే న జానీమహే.

తమకార్యంబు పరిత్యజించియు పరార్ధప్రాపకుల్ సజ్జనుల్,

తమకార్యంబు ఘటించుచున్ పరహితార్ధవ్యాపౄతుల్ మధ్యముల్,

తమకైయన్యహితార్ధ ఘాతుకజనుల్ దైత్యుల్,వౄధాన్యార్ధభం

గము గావించెడువార లెవ్వరొ యెరుం గన్ శక్యమే యేరికిన్?

స్వకార్యములను విడిచి పరులకార్యములను చేయువారు సత్పురుషులు. తమ కార్యములకు భంగము లేకుండా పరుల కార్యములను చేయువారు మధ్యములు అనబడతారు. స్వప్రయోజన నిమిత్తమై పరులకార్యములను చెడగొట్టువారు మనుష్యులలో రాక్షసులు. తమకు ఏమాత్రమూ ప్రయోజనము లేకున్నాపరులకు నష్టము చేయువారికి ఏపేరు పెట్టవలెనో ఎవరికీ ఎరుంగ శక్యము కాదు.

********************************************

పాపాన్నివారయతి,యోజయతే హితాయ,

గుహ్యం నిగూహతి,గుణాన్ ప్రకటీకరోతి ,

ఆపద్గతం చ న జహాతి,దదాతి కాలే;

సన్మిత్రలక్షణ మిదం ప్రపదంతి సంత:

అఘమువలన మరల్చు,హి తార్ధకలితు

జేయు, గోప్యంబు దాచు, పో షించు గుణము,

విడువ డాపన్ను,లేవడి వేళ నిచ్చు;

మితృ డీ లక్షణంబుల మెలంగుచుండు.

పాపకార్యములనుండి తప్పించుచు

ధర్మోపదేశము చేయుచు మంచిపనులను చేయుటకు ప్రేరేపించుచు రహస్యములను కాపాడుచు సద్గుణములను ప్రకటించుచూ ఆపద సమయమున విడువక అవసరమైన సమయమున ఆర్ధిక సహాయము చేయుచు, క్షీరనీర న్యాయమున మంచి మిత్రుడు మెలగవలెను.

- ఎర్రమిల్లి శారద

Visit web magazine at www.sirakadambam.com 

Vol. No. 08 Pub. No. 015

ఏ కాలేజీకేగినా....

చెన్నై నగరంలో కొన్ని తెలుగు సాహితీ కార్యక్రమాలు జరుగుతూ ఉంటాయి.
వేద విఙ్ఞాన వేదిక, చెన్నై పాత్రికేయ మిత్రుల సంఘం అనే రెండు సంస్థలు ప్రతి నెలా క్రమం తప్పకుండా సాహిత్యాంశాలు, సాహితీవేత్తలను గూర్చిన కార్యక్రమాలను నిర్వహిస్తారు. ప్రతి కార్యక్రమానికీ తెలుగువారు చెప్పుకోదగ్గ సంఖ్యలో హాజరౌతారు.
వేద విఙ్ఞాన వేదికను మధు కందనూరు గారు నిర్వహిస్తున్నారు. ఆ సంస్థ గతంలో ఏర్పాటు చేసిన ఒక కార్యక్రమంలో ప్రముఖ రచయిత, పరిశోధకులు, ఉపన్యాసకులు ద్వానా శాస్త్రి గారు పాల్గొని రాయప్రోలు సుబ్బారావు గారిని గురించి ప్రసంగించారు. ఆద్యంతం ఆసక్తికరంగా చేసిన ప్రసంగంలో సందర్భానుసారం చెణుకులను కూడా చొప్పించారు.
"ఏ దేశమేగినా... " గేయాన్ని వివరించిన తరువాత తాను విశాఖపట్టణంలో కళాశాలలో ఉపన్యాసకుడిగా ఉన్న రోజులను గుర్తుకు తెచ్చుకున్నారు. ఒక సందర్భాన్ని వివరించి ప్రేక్షకులను నవ్వించారు. రోజూ అల్లరి చేస్తూ విద్యార్థులు పాఠాలు జరగనిచ్చేవారు కాదట. ఇలా కాదని ఒక రోజు "దేశమును ప్రేమించుమన్నా" కి పేరడీని వ్రాసి తీసుకెళ్ళారట ద్వానా శాస్త్రి గారు. ఆ రోజు పాఠానికి బదులు ఈ పేరడీని వినిపించారట. ఆ దెబ్బకి "రోజూ ఇలాగే మా మీద ఏవో ఒకటి వ్రాసుకొస్తారేమో....మేము పాఠమే వింటాంలెండి" అంటూ విద్యార్థులు దారికొచ్చారట. ఇంతకీ ఆ పేరడీ చదవాలని మీకూ ఆసక్తిగా ఉంది కదా! ఆయన వినిపించిన అందులోని భాగం ఆయన వినిపించారు. ఇదుగో....

" ఏ కాలేజీకేగినా ఏ మేష్టరొచ్చినా
   ఏ క్లాసు అయినా ఎవ్వరేమనినా
   చేయరా అల్లరి నిర్భయముగాను
   నిలుపరా నీ జాతి వానరతనంబును.

 " ఏ పూర్వ పాపమో ఏ రోగ బలమో
   జనియించినాడవీ విద్యార్థిగాను
   లేరురా నీవంటి రౌడీలు
   ఇంకెందు లేరురా నీవంటి ఆకతాయిలింకెందు"

- మాధురీకృష్ణ

Visit web magazine at www.sirakadambam.com 

Vol. No. 08 Pub. No. 014

అమ్మతనం - కమ్మదనం.... ప్రతీచి నైమిశం... ' కిరణ్ బేడి ' గారి తో. లే. పి. ... ఇంకా....

అమ్మతనం - కమ్మదనం

మాతృ దినోత్సవ సందర్భంగా వచ్చే నెలలో " అమ్మతనం - కమ్మదనం " పేరుతో ప్రత్యేక సంచిక వెలువడుతుంది. ఆ సంచిక కోసం ప్రత్యేకంగా మాతృమూర్తుల నుండి రచనలను ఆహ్వానిస్తున్నాం. వివరాలకు ఈ సంచికలో 03 మరియు 04 పేజీలలో చూడవచ్చు. రచనలు చేరవలసిన చివరి తేదీ : 20 ఏప్రిల్ 2017.

**********************************   

‘ ఊహా వ్యవసాయం ’.... పద అర్థ అన్వేషణలో ‘ అమరకోశం ’ నుండి మొదలై సాగిన ప్రయాణం " ప్రతీచి నైమిశం ", 

డైనమిక్ మహిళా పోలీసు ఉన్నతాధికారిగా పేరు తెచ్చుకొని ప్రస్తుతం పుదుచ్చేరి లెఫ్టినెంట్ గవర్నర్ గా పని చేస్తున్న " కిరణ్ బేడి " గారి ' తో. లే. పి. ', ప్రపంచ అరణ్య దినోత్సవం సందర్భంగా ఆలపించిన గీతం " మొక్కలు నాటన్నా... ! "...

... ఈ క్రింది లింక్ లో.... 

శిరాకదంబం 06_013

                                            Visit web magazine at www.sirakadambam.com

Vol. No. 08 Pub. No. 013