Tuesday, August 23, 2011

ఆంధ్రకేసరి ఆత్మాభిమానం


మహానుభావులు కొందరే వుంటారు. మహత్తర కార్యాలు చెయ్యడానికే వారు పుడతారు. అందరికీ ఆదర్శంగా నిలుస్తారు. మన భారతదేశానికి స్వేచ్చావాయువులు అందించడంలో ఎనలేని కృషి చేసి, బ్రిటిష్ అధికారుల్ని గడగడలాడించి, తెలుగుజాతికే గర్వకారణంగా నిలిచి ' ఆంధ్రకేసరి ' గా పిలిపించుకున్న మహనీయుడు టంగుటూరి ప్రకాశం పంతులు గారు. దేశాభిమానంతో బాటు ఆత్మాభిమానం ఆయన సొత్తు. ఆయనలోని ఈ లక్షణాల్ని తెలియజేసే ఓ సంఘటన......

 ప్రకాశంగారు వృత్తి రీత్యా న్యాయవాది. కొంతకాలం రాజమండ్రిలో ప్రాక్టీసు చేసారు. ఒకసారి అక్కడి మునసబు కోర్టులో ఓ కేసు విషయంలో వ్యాజ్యం జరుగుతోంది. ఆ సమయంలో ప్రకాశం పంతులుగారు అక్కడే వున్నారు. ఆ కేసులో నిందితుడిగా వున్న వ్యక్తిని మునసబుగారు అతని తరఫున వకీలెవరని అడిగారు. తాను పేదవాడినని, వకీలును పెట్టుకునే స్థోమత లేదని విన్నవించుకున్నాడు ఆ వ్యక్తి. దానికా మునసబు హేళనగా .... 

" అదేమిటయ్యా ! ఇంత పెద్ద రాజమండ్రి పట్టణంలో వకీళ్ళకేమి కొరత ? వీధికి ముగ్గురు వకీళ్ళున్నారు. రెండు మూడు రూపాయలిస్తే ఏ వకీలైనా నీ తరఫున వాదించడానికి వస్తాడు " అన్నారు. 

 ఇది విన్న ప్రకాశంగారికి ఆత్మాభిమానం పొంగివచ్చింది. రాజమండ్రి వకీళ్ళను హేళన చేసిన మునసబు మీద కోపం వచ్చింది. ఆయనకు బుద్ధి చెప్పాలని వెంటనే లేచి నిలబడి..... 

" అయ్యా ! మీరు చెప్పింది గతంలో సంగతి. ఇప్పుడు రెండు, మూడు రూపాయలకు వాదించే వకీళ్ళు ఎవరూ రాజమండ్రిలో లేరు. అలాంటి వాళ్ళందరూ మునసబులైపోయారు " అన్నారు. దాంతో ఒకప్పుడు వకీలుగా పనిచేసిన ఆ మునసబు ఖంగు తిన్నాడు. 

 ' ఆంధ్రకేసరి ' టంగుటూరి ప్రకాశం పంతులుగారి జయంతి సందర్భంగా ఆయనకు నివాళులు అర్పిస్తూ..... 

Vol. No. 03 Pub. No. 009

8 comments:

Indian Minerva said...

:-D

ఆ.సౌమ్య said...

చప్పట్లు చప్పట్లు ఆంధ్రకేసరిగారికి!

Anonymous said...

aa munasabu ki kevvvvvv...

మధురవాణి said...

super! :))

Janardhana Sharma said...

ఆంధ్ర కేసరి గారికి ఎంత కోపం వచ్చిందో కానీ నాకు మాత్రం రక్తం ఉడికింది ః(

కోర్టుల్లో పని చేసే వాళ్ళందరూ పెద్ద మనుషులు కారని తెలుసు కానీ ఇది ఆనాడె జరగటం కొంత ఆశ్చర్యమే...

SRRao said...

* Indian Minerva గారూ !
* ఆ. సౌమ్య గారూ !
* అజ్ఞాత గారూ !
* మధురవాణి గారూ !
* జనార్ధన్ గారూ !

ధన్యవాదాలు

Vinay Datta said...

I echo Sowmya and Madhuravani.

madhuri.

SRRao said...

మాధురి గారూ !

ధన్యవాదాలు

Related Posts Plugin for WordPress, Blogger...

ప్రాచుర్యం