గతజన్మలో ఆవు

 కృష్ణాపత్రిక వ్యవస్థాపకులు ముట్నూరి కృష్ణారావు గారు మంచి హాస్య చతురుడు. ఒకసారి ఆయన, గొట్టిపాటి బ్రహ్మయ్య గారు, చెరుకువాడ నరసింహం గారు కలసి ఒక ఊరు వెళ్లారు. అప్పుడు అక్కడ దట్టంగా మబ్బులు పట్టి సన్నగా వాన పడుతోందట. ఎవరినో పిలవడానికి నరసింహం గారు కారు దిగారట. కృష్ణారావు గారు, బ్రహ్మయ్య గారు కార్లోనే కూర్చున్నారు. వాన జల్లుల నుంచి తప్పించుకోవడానికి నరసింహం గారు తెల్ల వస్త్రాన్ని తల మీద కప్పుకుని కారు దిగారట. ఆ దారిలో ఒక ఆబోతు నిలబడి వుందట. ఆ మబ్బుల మసక వెలుతురులో సరిగా కనబడక పోవడం చేతనో ఏమో ఆ ఆబోతు నరసింహం గారి వెంట పడిందట. ఆయన పరుగెత్తి దాన్ని తప్పించుకోవడానికి దగ్గరలోని ఓ అరుగెక్కేసారట.

ఈ దృశ్యాన్ని చూసిన కృష్ణారావు గారు నవ్వుతూ " నరసింహం గారు క్రితం జన్మలో ఆవు అయివుంటారు " అన్నార్ట .   

Vol. No. 03 Pub. No. 008