Friday, August 5, 2011

కింకవీంద్ర ఘటా పంచావన


తెలుగువారికి అష్టావధానం అనగానే గుర్తుకొచ్చే జంటకవులు తిరుపతి వెంకట కవులు. ఓసారి వారు అవధానం చేస్తుండగా కాశీనాథ శాస్త్రి అనే పృచ్ఛకుడు ఆ జంటకున్నకింకవీంద్ర ఘటా పంచావన ‘  అనే  బిరుదును అపహాస్యం చెయ్యడానికి ఇలా వక్రభాష్యం చెప్పాడట.

           “ కింకవీంద్ర అంటే నీటి పక్షుల్లో గొప్పవైన అని, ఘటా అంటే గుంపు అని, పంచ అంటే వెడల్పయిన అని, అవనము అంటే ముఖం కలది అనీ అర్థాలు వస్తాయి. కనుక ఈ బిరుదుకు పెద్ద కొంగలు అంటే సరిగ్గా సరిపోతుంది  అని వ్యాఖ్యానించాడు.

దానికి ఆ జంట కవుల్లో ఒకరైన చెళ్ళపిళ్ల వెంకటశాస్త్రి గారు తడుముకోకుండా ఇలా సమాధానమిచ్చారు.....
నిజమే ! కాశీనాథుల వారు సెలవిచ్చినట్లు మా బిరుదుకు పెద్దకొంగలు అన్న అర్థం వస్తుంది. అయితే కా అంటే నీరు, ‘ ఆశి అంటే తిరుగునని అర్థాలు వస్తాయి. కనుక కాశీ అంటే చేపలు అని అసలు అర్థం వస్తుంది. కాశీనాథులు కనుక పెద్దచేపలు అవుతుంది. అంటే ఆయన పాలిట మేము పెద్దకొంగలమే ! “   అన్నారట.

ఇంకేముంది...! కాశీనాథుల వారి నోట మారు మాట వస్తే ఒట్టు. 



Vol. No. 02 Pub. No. 305

3 comments:

Vinay Datta said...

Funtastic!

SRRao said...

* వినయ్ !

ధన్యవాదాలు

పందిళ్ళ శేఖర్ బాబు said...

అవీ... ఆ మహనీయుల మహితోక్తులు.అందుకే అంత రసస్ఫోరకంగా ఉంటాయి.

' శిరాకదంబం ' టూల్ బార్ ని ఇక్కడినుంచి దించుకోవచ్చు... ప్రయత్నించండి.

Related Posts Plugin for WordPress, Blogger...

ప్రాచుర్యం