Tuesday, July 6, 2010

పేర్ల పేరడీ

 తన పేరునే పేరడీ శాస్త్రిగా పిలిపించుకున్న పేరడీ రచయిత జలసూత్రం రుక్మిణీనాథ శాస్త్రి. అప్పట్లో ప్రముఖ రచయితల రచనలన్నిటికీ పేరడీలు రాసిన ఘనత ఆయనది. ఈ పేరడీలల్లడంలో ఆయన ప్రతిభ అసమానమైనది, అనుపమానమైనది. ఆయన ప్రతిభ గురించి అడిగితే  తన పేరునే పేరడీ చెయ్యగల చమత్కారి. హాస్యరసం వొలికించే ఆయన జవాబులు చూడండి.

ప్రశ్న :  అసలు ఈ పేరడీ అనేది ఎక్కడ నేర్చుకున్నారు ?
జరుక్ : మా నాన్నగారి దగ్గర నేర్చుకున్నాను.
ప్రశ్న :  అదెలా ? 
జరుక్ : తెలుగు వాళ్ళలో నాపేరులాంటి పేరు ఎవరికైనా ఉందా ? కృష్ణశాస్త్రి అనకుండా మా నాన్న బెంగాలీ పేరును పేరడీ చేసి రుక్మిణినాథశాస్త్రి అని పేరు పెట్టారు. నిజానికి నాకు, కృష్ణశాస్త్రికి తేడా లేదు.
ప్రశ్న :  మరి మీ ఇంటి పేరు కూడా ' జలసూత్రం ' అని తమాషాగా వుంది కదా ! దాని భావమేమిటో ?
జరుక్ : ఏముందీ ! H 2 O ఫార్ములాని మా వాళ్ళే కనిపెట్టారట. అందుకే ఆ పేరు వచ్చిందట.

............................... ఇదండీ ఆయన పేర్ల పేరడీ.

 Vol. No. 01 Pub. No. 341

2 comments:

Anonymous said...

బావుందండి.
నిజంగానే ' జలసూత్రం ' వింతగా వుందండీ

SRRao said...

లలితా గారూ !
ధన్యవాదాలు

Related Posts Plugin for WordPress, Blogger...

ప్రాచుర్యం