Tuesday, April 13, 2010

ప్రేమయే జనన మరణ లీల....


మహాకవి శ్రీశ్రీ గారి సినీ రంగ ప్రవేశం 1950 సంవత్సరంలో ' ఆహుతి ' అనే డబ్బింగ్ చిత్రంతో జరిగింది.  ' నీరా ఔర్ నందా ' అనే హిందీ చిత్రానికి అనువాదం ఈ చిత్రం. అంతకుముందు దశాబ్దం క్రితం వచ్చిన ' కాలచక్రం ' ( 1940 ) చిత్రంలో శ్రీశ్రీ గారి మహాప్రస్థానం గీతం వున్నా ఆది ఆ సినిమా కోసం రాసిన గీతం కాదు. అందుకని ఆహుతిలో రాసిన ' ప్రేమయే జనన మరణ లీల........ ' అనే పాటే శ్రీశ్రీ గారి మొదటి చిత్ర గీతం అవుతుంది. ఈ పాట గురించి విశేషాలేమిటో, అసలు సినిమాకు పాటలు రాయడం అనేది ఎంత కష్టమో మహాకవి మాటల్లో.......



సినిమాకు పాటలు రాయడం చాలామంది అజ్ఞానులనుకునేటంత సులభం కాదు. ఇక డబ్బింగుకు రాయడమనేది మరీ కష్టంతో కూడుకున్న పని. ఉదాహరణకు "  ప్రేమయే.. "  అన్న పాటనే తీసుకుందాం. హిందీలో దీని పల్లవి- "  ప్రేమ్ హై జనమ్ మరణ్ కాఖేల్ ... "  . ట్యూన్ ప్రకారం ఇది "  ప్రేమ్ హై - జనమ్ మరణ్ - కాఖేల్ "  అని విరుగుతుంది. ఇందులోని ఆఖరి "  కాఖేల్ "  చాలా యిబ్బంది పెట్టింది. "  ప్రేమయే జనన మరణ ఖేల "  ( గాథ, క్రీడ ) అని రాశాను. గాని "  లీల "  అనే మాట మొదట్లో స్పురించలేదు. ఆ రాత్రి కలత నిద్రలో రాజేశ్వరరావు ట్యూన్ మననం చేసుకుంటూ వుంటే  "  ప్రేమయే జనన మరణ లీల "  అనే పల్లవి దొరికింది. మర్నాడు పాటంతా పూర్తి చేశాను.  

శ్రీశ్రీగారి సినిమా పాటల సంపుటి ' పాడవోయి భారతీయుడా ! ' నుంచి, 



Vol. No. 01 Pub. No. 252

2 comments:

Unknown said...

మహాకవి శ్రీశ్రీ గారి గురించి చాలా చక్కని విషయం చెప్పారు...థాంక్స్!

SRRao said...

ధరణి రాయ్ గారూ !
ధన్యవాదాలు

Related Posts Plugin for WordPress, Blogger...

ప్రాచుర్యం